Yes mi selecta play dat chune Mek it ring inna mi head Mi mus shoot mi bredda dead.

Mi ah goh dance inna de hall

When mi see mi sista fall

Har blood washing de sidewalk.

Tek de volume dung south

Dem ah dance de go-go

An ah show dem cho-cho.

Hey! make haste!

Don't have time fi waste

Anadda gal mus breed up de place.

Don't go slow, de youth dem mus go

Kill ah negro, rob ah bank

Kill ah negro, rob ah bank.

Don't passa passa wid me

Play de dagger beat

Mi tight pants ah buss outta de seam.

Pink an lace, ah it ah run de place

Mi ah wear ah shirt like Will an Grace

For mi Tommy Hill figure.

Cane row? Corn row? Whateva!

As day light tomarrah

Ah hairdresser mi ah go.

Raise de alarm

Anadda fish is dying

Rata-tat-tat, him brain is flying.

Tomarrah dem ah go flee

Spilling ova inna de streets

House chaka chaka, floor waan clean.

De music sweet

A wi chulcha ah dweet

UWI scholas agree.

Nuh matta what sex

Nuh matta what genda

Every informa mus go unda.

1 2 3 mek wi jump an spree

4 5 6 hol on to yuh matic

7 8 9 men in tights

Ah play ring games at night.

De gal dem ah bubble like ah pot

Inna expensive wig

An fi dem fren frack.

Operata, operata, pull up nuh sah

Mi ah go weel an come

Mi spliff jus done.

Ring the alarm, dancehall is dying!

oxydmoron@gmail.com